ಕನಸಿನ ಮೆಲುಕು...
ಬೆಚ್ಚನೆಯ ರಾತ್ರಿಯಲಿ ಬಿದ್ದ
ಸವಿಗನಸಿನಂತೆ,
ಸುಡು ಬಿಸಿಲಲ್ಲಿ ಮಳೆ ಧೋ ಎಂದು
ಸುರಿದಂತೆ,
ಮೋಡದ ಮರೆಯಲ್ಲಿ ಚುಕ್ಕಿ ಚಂದಮ
ನಸುನಕ್ಕಂತೆ,
ದಟ್ಟ ಕಾರಿರುಳ ಕತ್ತಲೆಗೆ ಭಾವನೆಯ
ಬಣ್ಣ ಬಳಿದಂತೆ,
ಕಿರು ಬೆರಳ ತುದಿಗೆ ತಂಗಾಳಿ
ಸೋಂಕಿ ಮರೆಯಾದಂತೆ....
ಇವೆಲ್ಲ ಕನಸಲ್ಲ,
ಕಲ್ಪನೆಯೂ ಅಲ್ಲ ಎನ್ನುವಷ್ಟರಲ್ಲಿ....
ಮಿಂಚಿ ಮರೆಯಾದ ಬದುಕು!
ಉತ್ಖನನ ಮಾಡಲಾಗದಷ್ಟು
ಆಳಕ್ಕಿಳಿದ ಪಳಯುಳಿಕೆ
ಈಗಿರುವುದು ಕನಸಿನ ನೆನಪೊಂದೆ
ನೆನಪಿನ ಮೆಲುಕೊಂದೆ!
-ನಾಗರಾಜ್ ಬಿ.ಎನ್
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ